कणादस्याक्षपादस्य व्यासस्य कपिलस्य च।
पतञ्जले: जैमिनेश्च दर्शनानि षडेव हि॥१३३॥
शैवं च वैष्णवं शाक्तं सौरं वैनायकं तथा।
स्कान्दं च भक्तिमार्गस्य दर्शनानि षडेव हि॥१३४॥
कणादस्य वैशेषिकदर्शनम् ।(अक्षपाद: - गौतम:) गौतमस्य न्यायदर्शनम्। व्यासस्य उत्तरमीमांसादर्शनम् (वेदान्तदर्शनम्)। कपिलस्य सांख्यदर्शनंम्। पतञ्जले: योगदर्शनम्। जैमिने: पूर्वमीमांसादर्शनम् इति षट् आस्तिकदर्शनानि। शैवं वैष्णवं शाक्तं सौरं वैनायकं स्कान्दम् इति षट् भक्तिमार्गस्य दर्शनानि। श्लोके चार्वाकबौद्धजैनाख्यानि नास्तिकदर्शनानि नोक्तानि।
No comments:
Post a Comment